Lajme

Bruksel, 6 janar - Eurodeputeti me prejardhje greke, Jorgos Shacimarkakis vlerëson se Greqia për shkak të krizës së borxheve me të cilën po ballafaqohet ka nevojë për imazh të rid he propozon emër të ri për përdorim ndërkombëtar i cili do ti ndihmojë vendit për një fillim të ri.



“Për shumë në Evropë emir Greqi asocon në mosfunskionalitetin e sistemit politik, nepotizëm. Si pjesë e një fillimi të ri të ndershëm Kushtetuta greke duhet të ndryshohet dhe vendi duhet të riemërohet në ‘Hellas’ në të gjitha gjuhët”, ka deklaruar Shacimarkakis në botimin javor të gazetës gjermane “Bild”.

Ai sqaron se ‘Hellas’ është emri të cilin grekët e shfrytëzojnë për emërtimin e vendit të tyre. Sipas tij, Athina duhet të largohet nga sistemi politik ekzistues dhe tërësisht ta ndërrojë.
 
Ai thotë se paratë që Evropa i jep Greqisë shkojnë për pagimin e borxhit, por nuk e zgjidhin problemin e vendit.

Nga ana tjetër Athina zyrtare kërkon ndërrimin e emrit të Maqedonisë, një kontest i cili zgjat që nga pavarësimi i Maqedonisë dhe si rezultat i kësaj vendi nuk arriti të bëhet anëtare e NATO-s në Samitin e Bukureshtit në vitin 2008.