Bashkimi Evropian ende nuk është i sigurt nëse do të mbahet konferenca e paralajmëruar për Ballkanin Perëndimor, më 20 mars në Slloveni, ndërkaq Presidenca spanjolle e BE-së është duke u përgatitur për takimin edhe më të rëndësishëm, që pritet të mbahet në muajin qershor në Sarajevë, për kur është paralajmëruar takimi i zyrtarëve të lartë të Unionit me ata të Ballkanit Perëndimor.
Dhe përderisa presidenti serb Boris Tadic, të dielën, ka përsëritur qëndrimin e tij se në konferencën e Sllovenisë ai do të marrë pjesë vetëm nëse Kosova përfaqësohet si UNMIK, respektivisht nëse i respekton parimet e Rezolutës 1244 të OKB-së, Qeveria e Kosovës ka konfirmuar sërish se Kosova do të shkojë në këtë konferencë vetëm si shtet.
Nga ana tjetër, burimet nga Brukseli kanë deklaruar për agjencinë Beta, se konferenca e paralajmëruar për 20 mars në Slloveni është në pikëpyetje, por po ashtu bëhet e ditur se Presidenca spanjolle e BE-së pret që takimi në Sarajevë të rikonfirmojë fuqishëm perspektiven e Ballkanit Perëndimor drejt integrimit në BE.
Home > Lajme > KOSOVA > Konferenca nė Slloveni nė pikėpyetje, por jo edhe ajo nė Sarajevė 
Matrix: I mire je por zani s'..
14/03/2010 20:09 
admin 
36 
Print
PDF
RSS Feeds
38.107.x.x
