Lajme

Në Sellcë të Tetovës u përkujtua 9 vjetori i fillimit të konfliktit në Maqedoni. Në manifestim merrnin pjesë struktura të larta partiake midis të cilëve edhe lideri i BDI-së Ali Ahmeti.


“Jemi në momente tepër të rëndësishme kur duhet të investojnë shqiptarët për paqen stabilitetin sigurinë ardhmërinë apo për lufta, konflikte, destabilizim. Mendoj që luftërat shqiptarët i kanë kryer me sukses. Kosova shtet i pavarur, shqiptarët e Maqedonisë me status shtet-formues, me ndryshime rrënjësore në kushtetutën e Maqedonisë, me universitete dhe emblema për të gjitha luftërat që janë realizuar në këto hapësira”, tha Ali Ahmeti, kryetar i BDI-së.
Në manifestim janë përkujtuar dëshmorët e kombit. Të pranishëm ishin edhe prindër dhe familjarë të dëshmorëve, si dhe shumë të ftuar të tjerë.
“Ajo që kujtojmë neve na bën sigurisht më të fortë për të ndjekur rrugën e mëtejshme, për të realizuar ato fryte, ato arritje që u nënshkruan me gjakun e dëshmorëve të kombit për të realizimin e të drejtat tona kombëtare. Ju e dini se ka shumë punë për t'u bërë por edhe veprimtaritë tonë janë të pandalshme dhe të vazhdueshme në drejtim të realizimit të atyre punëve”, theksoi Hazbi Lika, ish luftëtar.
Manifestimi u përcoll me një program të pasur kulturor e artistikë, me këngë e valle të malësisë së Sharrit.