Lajme

Beograd, 11 mars - Ministri i Jashtëm i Shqipërisë, Ilir Meta, është takuar sot në Beograd, me presidentin e Serbisë, Boris Tadiq dhe me ministrin e Jashtëm, Vuk Jeremiq.

Në takim, Tadiq ka theksuar rëndësinë e marrëveshjes për bashkëpunim në luftën kundër krimit të organizuar, tregtisë ilegale me drogë dhe terrorizmit ndërkombëtar, ka njoftuar kabineti i presidentit të Serbisë. Më tutje, thuhet se me gjithë mendimet e kundërta për Kosovën, theksi i bisedimeve është vënë në përmirësimin e bashkëpunimit dypalësh, që është në nivel të ulët, e veçanërisht në fushën e ekonomisë. Meta, njëherësh zëvendëskryeministër i Shqipërisë, do të marrë pjesë në manifestimin e shënimit të përvjetorit të shtatë të vrasjes së ish-kryeministrit të Serbisë, Zoran Gjingjiq.