Ish-lideri sovjetik Mihail Gorbaçov ka kritikuar ashpër ditën e premte autoritetet aktuale ruse për dështim në funksionimin e demokracisë dhe për rikthim në procesin e reformave të filluara prej tij me perestrojkën në vitet 1980.
“Partia “Rusia e Bashkuar” e drejtuar nga kryeministri Vladimir Putin funksionon njëlloj “si Partia Komuniste e Bashkimit Sovjetik, dhe më keq”, akuzoi Gorbaçov në mënyrë direkte kreyminsitrin rus. “Kemi institucione, kemi një parlament, edhe pse nuk e di nëse mund ta quajmë këtë parlament. Duket se kemi gjithçka dhe asgjë. “- kritikoi lideri i fundit i Bashkimit të Republikave Sovjetike Ruse, BRSS.